USA NA USAB KA DAKONG KADAUGAN PARA SA LUNGSOD SA KAPALONG!

by Nicholas Sam C. Gabito

Wed, Aug 7, 2024 7:41 AM

Apil ang atong mahal nga lungsod sa Kapalong nga naka abot sa SITE VALIDATION STAGE para sa 2024 Galing Pook Awards. Ang Galing Pook Awards gilusad isip usa ka pioneering nga programa nga nag-ila sa mga innovative practices sa mga lokal nga panggamhanan kun LGUs. Ang mamahimong finalist nga LGU sama sa atong lokal nga kagamhanan sa Kapalong nagpamatuod nga adunay talagsaong mga inisyatiba ug mga programa ang atong lungsod.Ang Galing Pook gisugdan niadtong 1993 sa dihang gipahigayon ang unang Gantimpalang Panglingkod Pook. Ang Awards Program usa ka hiniusang inisyatiba sa Local Government Academy–Department of the Interior and Local Government, Ford Foundation, ug uban pang indibidwal nga tigpasiugda sa maayong pagdumala gikan sa academe, civil society ug sa gobyerno.Ang Asian Institute of Management maoy nagdumala sa programa hangtod sa tuig 2000. Niadtong tuig 1998, ang Galing Pook Foundation pormal nga natukod isip pribadong awards-giving body aron mapadayon ang maong Awards program. Sa trenta (30) ka tuig nga paglungtad, ang Galing Pook nahimong usa ka nangunang institusyon ug aktibo kini nga nangita ug nag-ila sa labing maayo nga mga gawi sa lokal nga gobyerno.Ang Kapalong College of Agriculture, Sciences and Technology kun KCAST ang atong gihimong official entry para sa 2024 Galing Pook Awards. Sagad sa uban nato nga mga inisyatiba, proyekto ug mga programa sa lungsod, ang KCAST ang adunay dakong impact para sa katawhan sa Kapalong, ug nakahatag ug dakong tabang ilabi na sa atong mga kabataan.Sayod kitang tanan nga niagi sa dakong hagit ang KCAST— hagit nga sirad-an na unta kini. Apan, tungod sa paningkamot sa atong kanhi amahan sa lungsod ug ang atong bise mayor sa kasamtangan— Vice Mayor Edgardo L. Timbol— gipaningkamutan niya kini nga mapadayon ang operasyon. Tuod man, ang mga paningkamot ni Vice Mayor Timbol nagbunga ug wala nasirad-an ang maong tulunghaan. Sa karun, padayon ang KCAST sa paghatag ug dekalidad nga edukasyon para sa atong mga kabatan-onan.Padayon nato nga gipa lambo ang KCAST. Sa akong panahon isip inyong mayor sa lungsod, nahimong Free Tuition ang KCAST. Adunay mga nadungag nga mga bag-ong mga pasilidad nga naghatag ug dakong kahimuan sa institusyon ug sa mga direktang binipisyaryo niini. Naka produce ang atong KCAST ug tulo (3) ka mga board exams topnotchers, ug naka butang kita ug Extension Campus sa Sitio Patil, Barangay Gupitan aron matabangan nga maka tungha ang atong mga kabataang IPs nga gusto makahuman sa ilang kolehiyo.Ang mga awardee sa Galing Pook gipili gikan sa nasudnong pagpangita sa mga local governance programs, gisusi pinaagi sa multilevel rigorous screening process base sa positibong resulta ug epekto, promosyon sa partisipasyon ug empowerment sa katawhan, innovation ug adaptation, resilience, sustainability, ug efficiency sa mga programa sa lokal nga gobyerno.Ipahigayon ang maong SITE VALIDATION sa August 15, 2024, ug pangunahan kini sa National Selection Committee sa Galing Pook Awards 2024.

Municipality of Kapalong

Quezon St. Maniki (Poblacion), Kapalong Davao del Norte, 8113

USA NA USAB KA DAKONG KADAUGAN PARA SA LUNGSOD SA KAPALONG!

Government Links

Important Stuff

Contact Us

Quezon St. Maniki (Poblacion), Kapalong Davao del Norte, 8113

(084) 807 0004

kapalong.website@gmail.com