TREE GROWING ACTIVITY | SITIO MATOL, BARANGAY GUPITAN, KAPALONG, DAVAO DEL NORTE

by Elvin Mar Penes

Tue, Jun 24, 2025 12:22 AM

BASAHA| Usa ka Tree Growing Activity ang gihimo sa Sitio Matol, Barangay Gupitan, Kapalong, Davao del Norte nga gipangunahan sa Municipal Environment and Natural Resources Office (MENRO). Kini nga kalihokan usa ka panaghiusa sa nagkadaiyang sektor sa komunidad nga nagtinguha sa pagpanalipod sa kinaiyahan ug sa pagpangandam batok sa mga natural nga kalamidad sama sa landslide.Apil sa mga mitambong ug misalmot sa pagtanum sa mga kahoy mao ang mga empleyado sa Munisipyo sa Kapalong, kasundalohan, kabatan-onan, ug mga Barangay officials ug functionaries sa pagpanguna ni Punong Barangay Marco Antonio Pupa. Ang ilang panaghiusa nagpamatuod sa dakong suporta ug panaghiusa sa tanang sektor sa barangay alang sa kinaiyahan.Gipili ang Sitio Matol isip lugar sa pagtanum tungod sa peligro niini sa landslide. Pinaagi sa maong kalihokan, gilauman nga mapalig-on ang estruktura sa yuta ug mapausbaw ang kahimsog sa palibot. Ang mga kahoy nga gitamnan magsilbing panagang batok sa erosion ug magahatag ug dugang nga kaayohan sa komunidad.Kini nga Tree Growing Activity usa ka hinungdanong lakang padulong sa mas lig-on ug luwas nga komunidad, ug usa usab ka panawagan sa tanan nga magtinabangay sa pag-atiman sa atong kinaiyahan.

Municipality of Kapalong

Quezon St. Maniki (Poblacion), Kapalong Davao del Norte, 8113

TREE GROWING ACTIVITY | SITIO MATOL, BARANGAY GUPITAN, KAPALONG, DAVAO DEL NORTE

Government Links

Important Stuff

Contact Us

Quezon St. Maniki (Poblacion), Kapalong Davao del Norte, 8113

(084) 807 0004

kapalong.website@gmail.com