September 27, 2024 | Friday | INTERNATIONAL COASTAL CLEANUP 2024 and LAUNCHING and INSTALLATION of GARBAGE TRAP

by Elvin Mar Penes

Wed, Oct 9, 2024 7:27 AM

BASAHA| Ang LGU Kapalong mipakita sa ilang suporta sa International Coastal Cleanup 2024 pinaagi sa usa ka kalihukan karong adlawa nga gipahigayon sa Camuning Road Jct. Lopez Jaena Street, Maniki, Kapalong, Davao del Norte. Ang maong aktibidad naglakip usab sa paglusad ug pag-instalar sa mga garbage traps aron matabangan ang pagdumala sa basura ug mapanalipdan ang mga tubig gikan sa polusyon.Gipangunahan ang programa ni Mayor Maria Theresa R. Timbol, nga naghatag ug mensahe nga nagpalandong sa importansiya sa limpyo nga palibot ug sa pagtinabangay sa komunidad aron malikayan ang basura nga makadaot sa mga kanal ug sapa. Anaa usab si Vice Mayor Edgardo L. Timbol ug si SB Member Jonathan Pineda, Chairman sa Committee on Environment, nga naghatag ug suporta sa maong inisyatiba.Ang pag-instalar sa garbage traps usa ka importante nga lakang aron masala ang mga basura nga mahimong makaapekto sa mga waterways ug magresulta sa pagbaha. Ang kalihukan, kauban ang partisipasyon sa mga lokal nga residente ug mga opisyal, nagpakita sa tinud-anay nga pagpakabana sa lokal nga panggamhanan alang sa proteksyon sa kinaiyahan ug sa kaluwasan sa mga komunidad sa Kapalong. Pinaagi niini, gipakita sa LGU ang ilang determinasyon nga mapreserba ang kinaiyahan ug mapasiguro ang usa ka limpyo ug himsog nga palibot alang sa umaabot nga henerasyon.

Municipality of Kapalong

Quezon St. Maniki (Poblacion), Kapalong Davao del Norte, 8113

September 27, 2024 | Friday | INTERNATIONAL COASTAL CLEANUP 2024 and LAUNCHING and INSTALLATION of GARBAGE TRAP

Government Links

Important Stuff

Contact Us

Quezon St. Maniki (Poblacion), Kapalong Davao del Norte, 8113

(084) 807 0004

kapalong.website@gmail.com