Senator Ronald "Bato" Dela Rosa mi bisita sa Lungsod sa Kapalong

Niadtong Oktubre 25, 2024, nahimong malampuson ang pagbisita ni Senador Ronald "Bato" Dela Rosa sa lungsod sa Kapalong, diin siya ang guest of honor sa payout para sa mga benepisyaryo sa TUPAD (Tulong Panghanapbuhay sa Ating Disadvantaged/Displaced Workers) Program sa Department of Labor and Employment (DOLE) . Ang maong inisyatibo nagtumong sa paghatag og emergency employment sa atong mga kaigsoonan nga nawad-an og trabaho.

Gipangoluhan ni Bise Mayor Edgardo L. Timbol kauban ang mga SB members, Department and Section Chiefs, mga empleyado sa munisipyo ang pagsugat sa senador. Nagpasalamat usab si Vice Mayor Timbol sa suporta ug paningkamot ni Senator Bato nga maka-bisita sa lungsod sa Kapalong.

Sa laing bahin, mitambong usab si Senador Dela Rosa sa monthly meeting sa Vice Mayor's League- Davao del Norte Chapter, diin nakauban ug na estorya sa senador ang onse (11) ka mga Bise Mayor sa probinsya sa Davao del Norte. Iyang gipaabot sa mga lokal nga opisyal ang kamahinongdanon sa pagpadayon sa maayong pagdumala sa legislative department sa nagka lain-laing lungsod, pinaagi sa epektibong pag-panday ug mga polisiya ug balaodnon alang sa kaayohan sa katawhan.

195 ka mga benepisyaryo gikan sa nagkalain-laing barangay ilawom sa TUPAD Program ang nahimamat sa senador. Nagpasalamat usab siya sa

Department of Labor and Employment (DOLE) nga nanguna sa implementasyon sa maong programa sa lungsod sa Kapalong ug sa tibuok probinsya sa Davao del Norte.