Pagbisita ni Senador Robinhood C. Padilla sa Kapalong, Dabvao del Norte alang sa Selebrasyon sa 2024 Indigenous Peoples' Month Celebration

by Nicholas Sam C. Gabito

Fri, Oct 25, 2024 5:39 AM

Kapalong, Davao del Norte - Oktubre 16, 2024- Si Senador Robinhood C. Padilla nagdalit og mahinungdanong pagbisita sa lungsod sa Kapalong. Ang adlaw sa senador nagsugod sa usa ka courtesy call kang Mayor Maria Theresa Timbol sa Kapalong Municipal Hall. Ang mainit nga pagdawat kang Senador Padilla gipangunahan sa presensya ni Mayor Maria Theresa Timbol, Vice Mayor Edgardo Timbol, miyembro sa Sangguniang Bayan, department heads, Barangay Captains, ug mga empleyado sa lokal nga kagamhanan.Human sa iyang pakig-hinabi sa mga lokal nga opisyal, si Senador Padilla mi bisita sa Kapalong College of Agriculture and Technology (KCAST). Didto, ang senador nakig-uban sa mga estudyante, faculty, ug college administrators, nga nagpakita sa kamahinungdanon sa edukasyon ug ang commitment sa gobyerno sa pagpauswag sa mga oportunidad pinaagi sa pagpakusog sa edukasyon, ilabi na sa mga lagyong lugar sama sa Kapalong.Human sa iyang pagbisita sa KCAST, si Senador Padilla mi bisista usab sa Sitio Dugayan sa Barangay Gupitan, diin usa ka programa ang naghulat kaniya. Libu-an ka mga miyembro sa tribo nga gikan sa nagkalain-laing mga sitio ang nagtapok aron ipakita ang ilang kadasig ug dakong suporta sa senador. Si Senador Padilla, nga nailhan sa iyang pagpanalipod sa mga katungod ug kaayohan sa tribo, nagdala og nagkalain-laing mga serbisyo, ug mipasibaw sa pagpauswag ug pagpakusog sa sektor sa tribo. Ang adlaw nagtapos sa usa ka tradisyonal nga "boodle fight," diin ang senador midungan ug kaon kauban ang tibuok komunidad, nagpasabot lamang kini sa pagkahiusa ug pagnisabtanay para sa hini-usang kultura.Ang sunod nga pagbisita sa senador mao ang Sitio Kimataan 2 sa Barangay Gupitan, diin ang mga tribal elders nag-organisa og tradisyonal nga welcome ceremony alang kang Senador Padilla. Ang senador gihatagan og dungog pinaagi sa mga awit ug sayaw nga nagselebrar sa bahandi sa kultura sa IP community sa Kapalong. Iyang gipakita ang iyang dakong suporta sa tribo ug nakig-uban sa mga miyembro sa komunidad tibuok gabie.Kini nga pagbisita kabahin sa mas dako nga selebrasyon sa buwan sa tribo, usa ka panahon sa pagpasidungog ug pagpakita sa dakong kontribusyon sa tribo. Ang presensya ni Senador Padilla dili lamang usa ka pormalidad; kini nagrepresentar sa tinuod nga paningkamot sa pagkonekta sa mga IP communities ug pagpanalipod sa ilang mga katungod ug kaayohan.Samtang ang adlaw misalop, ang pagbisita sa senador nagbilin og dili malimtan nga marka sa mga kasingkasing sa mga miyembro sa komunidad. Ang iyang pakig-uban, commitments sa serbisyo, ug pagrespeto sa kultura nagpasabot sa kahinungdanon sa panaghiusa ug suporta alang sa tanan.

Municipality of Kapalong

Quezon St. Maniki (Poblacion), Kapalong Davao del Norte, 8113

Pagbisita ni Senador Robinhood C. Padilla sa Kapalong, Dabvao del Norte alang sa Selebrasyon sa 2024 Indigenous Peoples' Month Celebration

Government Links

Important Stuff

Contact Us

Quezon St. Maniki (Poblacion), Kapalong Davao del Norte, 8113

(084) 807 0004

kapalong.website@gmail.com