Mga mag-uuma sa Lungsod sa Kapalong, midawat ug ayuda pinaagi sa Philippine Crop Insurance Corporation (PCIC) Indemnity

Gipahigayon kaganihang buntag June 4, 202, ang Mass Distribution of Philippine Crop Insurance Corporation’s (PCIC) Indemnity Checks ug Briefing on the Guideliens, Process and Flow of Filling-up of PCIC Forms. Gipangunahan kini sa buhatan sa Department of Agriculture (DA) sa pakig-alayon sa lokal nga kagamhanan sa Kapalong pinaagi sa Municipal Agriculture’s Office.

Ang maong aktibidad gipahigayon sa Kapalong Town Square, diin gitambungan kini sa mga mag-uuma nga grabeng naapektuhan sa mga milabay nga kalamindad sa atong lungsod.

Anaa sa maong aktibidad ang mga halangdong opisyales sa lokal nga kagamhanan sa Kapalong, nga gipangunahan ni Vice Mayor Gardo Timbol, uban sila Hon. Jonathan Pineda, Hon. Romel Beldua, Hon. Edwin Domat-ol, SKMF Jake Cabilogan, ug Semong Barangay Kapitan Nickell Mones.

Ang Philippine Crop Insurance Corporation (PHIC) usa ka Government Owned and Controlled Corporation nga nagahatag ug insurance sa agrikultura sa atong mga mag-uuma. Dungag niini, ang maong ahensya adunay mandato nga tabangan ang mga mag-uuma nga apektado sa mga kalamidad, sakit sa tanom, ug uban pang mga risgo nga maka apekto sa mga pananom ug kahayupan sa mga mag-uuma.

Sa laing bahin, ang mga mag-uuma nga adunay PCIC insurance ang aduna lamang prebelihiyo nga maka avail sa maong programa. Kahinumduman nga ang lokal nga kagamhanan sa Kapalong proaktibong nagpahigayon ug PCIC registration kauban ang Department of Agriculture sa milabay nga mga tuig, tumong nga ma insured ang atong mga mag-uuma sa atong lungsod. Nagamit na gayud sa atong mga mag-uuma ang maong insurance ug tataw nga makatabang gayud kini kanila panahon nga adunay kalamidad.

Gilauman sa LGU Kapalong nga ang tanang mga mag-uuma nga wala pa na rehistro sa PCIC Insurance mamahimong magpa rehistro na aron wala kita’y angay kabalk-an ug ugaling man mo abot ang panahon nga adunay kalamidad o kadaut sa atong mga tanom ug mga binuhing hayop.

Mamahimong mo bisita sa Municipal Agriculture’s Office para sa dugang imporamsyon.