DICT visit LGU Kapalong

Karong adlawa,ang mga personahe sa Department of Information and Communication Technology (DICT) nagpahigayon ug Courtesy Call sa opisina ni Mayor Tess Timbol. Gipangunahan kini ni Mr. Ronel Vincent Vista,Project Manager,DICT-UNDP kauban ni Dr. Alexander Flor (Individual Consultant). Ang maong kalihokan gituyo aron ipakita ang ilang suporta ug kooperasyon sa mga proyekto nga may kalabutan sa teknolohiya ug impormasyon sa lungsod.

Sa maong pagbisita, gipasabot sa mga personahe sa DICT ang ilang mga plano ug inisyatiba nga naglangkob sa pagpalambo sa digital infrastructure sa lungsod. Gihisgutan usab nila ang mga programa nga nagtinguha nga mapaayo ang access sa impormasyon ug mga serbisyo sa mga residente pinaagi sa modernisasyon sa teknolohiya.

Si Mayor Tess Timbol nagpasalamat sa DICT,uban ni Bae Gemma Rarangol, sa ilang paghatag ug suporta. Gidugang niya nga ang pakigtambayayong sa ahensya importante aron mas mapadali ang paghatag sa mga serbisyo sa katawhan ug maangkon ang mas episyenteng sistema sa panggobyerno. Naglaum siya nga magpadayon ang kooperasyon sa umaabot, aron mahatagan sa maayong serbisyo ang mga residente sa lungsod ilabi na ang mga katawhan anaa sa Barangay Gupitan.

Ang Courtesy Call usa ka timaan sa pagtrabaho sa mga ahensya sa gobyerno aron hiniusang mapalambo ang sektor sa teknolohiya ug impormasyon, nga maoy pundasyon sa modernong panggobyerno. Ang DICT nagpadayon sa pagtrabaho uban ang mga Lokal nga panggamhanan sa Kapalong aron masiguro nga adunay akses ang tanan sa bag-o nga teknolohiya ug impormasyon, nga maoy hinungdan sa pag-uswag sa komunidad.

Human niini gibisita usab sa mga personahe ang Barangay Gupitan,diin sa milabay'ng tuig nakainstalar na ang buhatan ug Free Wifi nga hangtod karon padayon kining nagamit ug napahimuslan sa mga katawhan.