DEPARTMENT OF HEALTH - KMITS, Gibisita ang LGU Kapalong

by Faith Marie L. Solis

Tue, Mar 25, 2025 7:47 AM

Karong adlawa, March 11, 2025 gibisita sa Department of Health - Knowledge Management and Information Technology Service (KMITS) kauban ang taga DOH - Davao Center for Health Development aron sa usa ka courtesy call ngadto kang Mayor Maria Theresa R. Timbol.Tumong sa maong pagbisita ang dakong pagpasalamat sa DOH-KMITS sa suporta sa Local Government Unit (LGU) sa Kapalong sa pagpasiugda sa e-Health initiatives ug digital transformation sa sektor sa panglawas. Gipahayag sa grupo ang ilang pasidungog sa LGU Kapalong tungod sa ilang aktibong partisipasyon ug kolaborasyon sa mga programa sa DOH nga nagtinguha sa pagpahapsay sa health information systems aron mapalambo ang serbisyo sa publiko.Gidawat ni Mayor Maria Theresa R. Timbol ang maong delegasyon ug gipasalamatan usab sila sa padayong suporta sa DOH sa LGU Kapalong, ilabi na sa mga inisyatiba nga nagpalig-on sa health services pinaagi sa teknolohiya. Gidugang pa niya nga ang LGU buot nga mapadayon ang maayong relasyon ug kooperasyon sa DOH alang sa dugang kalamboan sa public health sector sa lungsod.Ang maong bisita usa ka timaan sa padayong pagtinabangay tali sa LGU Kapalong ug DOH aron mas mapaayo ang health information systems, digital health services, ug uban pang programa nga makapahimos sa katawhan.

Municipality of Kapalong

Quezon St. Maniki (Poblacion), Kapalong Davao del Norte, 8113

DEPARTMENT OF HEALTH - KMITS, Gibisita ang LGU Kapalong

Government Links

Important Stuff

Contact Us

Quezon St. Maniki (Poblacion), Kapalong Davao del Norte, 8113

(084) 807 0004

kapalong.website@gmail.com