Caravan of Services: Usa ka Inisyatibo sa Lokal nga Panggamhanan

by Rhodiel Lampara

Wed, Mar 12, 2025 8:41 AM

Sa bag-ohay nga adlaw, Lunes,Marso 3,2025,ang Lokal nga gobyerno sa atong lungsod malampusong nagpatuman ug usa ka programa nga gitawag og "Caravan of Services"alang sa mga katawhan sa Sitio Megatong,Barangay Mamacao. Diin suportado kini sa atong inahan Mayor Maria Theresa R. Timbol ug Bise-Mayor Edgardo L. Timbol ug mga Sangguniang Bayan. Ang maong inisyatibo nagtumong sa paghatud sa mga kinahanglanon nga serbisyo sa mga lumulupyo sa maong barangay,aron mas mapaayo ang ilang kahimtang ug mapadali sa pag-access sa mga serbisyo sa gobyerno.Ang Caravan of Services,naglakip sa daghang mga serbisyo sama sa Libreng Medical Check-Up, Dental Check-Up,Libreng Tambal,Free Registration of Birth Certificate,Free Clothing,Daily Essential Needs,Libreng Gupit, Libreng Manicure/Pedicure ug uban pang mga serbisyo nga may kalabotan sa edukasyon ug Social Welfare. Gihimo kini nga programa aron mahatagan og solusyon ang mga nagkalain-laing panginahanglan sa atong mga katawhan, ilabi na sa mga lugar nga lisod maabot.Sa pagsugod sa programa, ang mga nagkadaiyang personahe ug empleyado sa Lokal nga panggamhanan sa Kapalong ug uban pa, nag-uban aron sa paghatag sa mga serbisyo nga gikinahanglan. Ang mga doktor, ug mga personahe gikan sa gobyerno naghatag og libre nga konsultasyon ug serbisyo sa mga tawo nga niapil sa maong kalihukan.Usa sa mga tumong sa Caravan of Services, mao ang paghatag ug suporta sa mga hinanali nga kinahanglan ug tabang, ug ang pagpaduol sa mga serbisyo sa komunidad. Ang maong aktibidad naghatag ug dakong higayon sa mga lumulupyo nga mas masayran ang mga serbisyo nga magamit ug unsaon nila pag-access niini.Ang mga residente sa maong komunidad nagpasalamat sa maong inisyatibo ug gilauman nga magpadayon pa ang mga susamang programa sa umaabot aron mas daghan pa ang matabangan, ug ang serbisyo sa gobyerno mahimong mas accessible sa tanan.Ang Caravan of Services, usa ka panig-ingnan sa pagtinabangay sa Lokal nga panggamhanan sa Kapalong ug sa komunidad, nga nagpasabot nga ang matag katawhan importante ug ang ilang mga panginahanglan gitan-aw ug girespeto.

Municipality of Kapalong

Quezon St. Maniki (Poblacion), Kapalong Davao del Norte, 8113

Caravan of Services: Usa ka Inisyatibo sa Lokal nga Panggamhanan

Government Links

Important Stuff

Contact Us

Quezon St. Maniki (Poblacion), Kapalong Davao del Norte, 8113

(084) 807 0004

kapalong.website@gmail.com