BLESSING AND TURNOVER CEREMONY OF RELOCATION SITE,GIPAHIGAYON!

by Rhodiel Lampara

Mon, May 19, 2025 2:32 AM

Sa usa ka malampusong okasyon karong adlawa,gipahigayon ang Blessing ug Turnover sa bag-ong Relocation Site sa Tomonas Area,Sitio Ilaboon, Maniki, Kapalong. Ang maong programa gihimo uban ang presensya ni Bise-Mayor Edgardo L. Timbol,Mayor Maria Theresa R. Timbol,Mr. Joseph Isaiah Trinidad,PCUP Supervising Coordinator ug Mr. Erwin L. Duque,CAO II/Housing Action Officer kauban ang mga Sangguniang Bayan Members opisyal ug representante gikan sa National Housing Authority (NHA) ug uban pang mga ahensya nga nagtabang sa proyekto. Ang maong kalihokan nagtimaan sa usa ka importante nga milestone alang sa komunidad, kay kini naghatag ug bag-ong higayon alang sa mga residente nga makapuyo sa usa ka luwas ug maayong lugar.Si Mrs. Gemma L. Oca,President HomeOwners Association mipaabot sa iyang dakong pagpasalamat sa maayong pagdumala sa administrasyon ug paghatag kanila sa prayoridad nga pabahay.Makita usab sa hulagway sa mga benepisyaryo ang kalipay ug pasalamat nga aduna na silay bag-o ug kaugalingon nga balay.Gikan kaniadto hangtod sa nagdumala ang Timbol-Timbol Administrasyon lamang ang naghatag ug proyektong pabahay alang sa mga katawhang Informal Settlers.Ang blessing nagpasabot sa pag-ampo alang sa kalampusan ug proteksyon sa mga lumulopyo,samtang ang turnover nagpasabot nga opisyal nang nahatag ang yutang kapuy-an sa mga residente. Kini nga proyekto usa ka dakong tabang sa pagpangandam sa mas maayong kaugmaon alang sa mga pinalanggang lumulopyo sa maong dapit.

Municipality of Kapalong

Quezon St. Maniki (Poblacion), Kapalong Davao del Norte, 8113

BLESSING AND TURNOVER CEREMONY OF RELOCATION SITE,GIPAHIGAYON!

Government Links

Important Stuff

Contact Us

Quezon St. Maniki (Poblacion), Kapalong Davao del Norte, 8113

(084) 807 0004

kapalong.website@gmail.com